Heb 10 | KhmKCB | STEP | ដ្បិត គម្ពីរវិន័យ មាន តែ ស្រមោល នៃ សេចក្ដី ល្អ ដែលត្រូវ មក ប៉ុណ្ណោះ មិនមែន ជា រូប ពិត នៃ សេចក្ដី នោះ ទេ ដូច្នេះគម្ពីរវិន័យ មិន អាច ធ្វើឲ្យពួកអ្នក ដែល ចូល មក ដោយថ្វាយ យញ្ញបូជា ដដែលៗ រៀងរាល់ ឆ្នាំ ឥត ឈប់ឈរ នោះ បាន គ្រប់ លក្ខណ៍ ឡើយ

Hebrews 10

1 ដ្បិតគម្ពីរវិន័យមានតែស្រមោលនៃសេចក្ដីល្អដែលត្រូវមកប៉ុណ្ណោះមិនមែនជារូបពិតនៃសេចក្ដីនោះទេដូច្នេះគម្ពីរវិន័យមិនអាចធ្វើឲ្យពួកអ្នកដែលចូលមកដោយថ្វាយយញ្ញបូជាដដែលៗរៀងរាល់ឆ្នាំឥតឈប់ឈរនោះបានគ្រប់លក្ខណ៍ឡើយ 2 ហើយប្រសិនបើអាចមែននោះពួកអ្នកបម្រើមុខជាឈប់ថ្វាយយញ្ញបូជាទៀតហើយព្រោះកាលណាពួកគេបានស្អាតម្ដងហើយពួកគេមុខជាលែងមានអារម្មណ៍ថាខ្លួនមានបាបទៀតហើយ 3 ផ្ទុយទៅវិញការថ្វាយយញ្ញបូជានោះរំឭកពួកគេឲ្យនឹកឃើញពីបាបជារៀងរាល់ឆ្នាំ 4 ព្រោះឈាមគោឈ្មោលនិងពពែឈ្មោលមិនអាចដកយកបាបចេញបានទេ។ 5 ហេតុនេះហើយនៅពេលព្រះគ្រិស្ដយាងមកក្នុងពិភពលោកនេះព្រះអង្គមានបន្ទូលថា៖ «ព្រះអង្គមិនចង់បានយញ្ញបូជានិងតង្វាយឡើយប៉ុន្ដែព្រះអង្គបានរៀបចំរូបកាយមួយសម្រាប់ខ្ញុំ 6 ព្រះអង្គមិនសព្វព្រះហឫទ័យនឹងតង្វាយដុតឬតង្វាយលោះបាបឡើយ 7 ដូច្នេះហើយបានជាខ្ញុំទូលថាឱព្រះជាម្ចាស់អើយ! មើល៍ខ្ញុំបានមកដើម្បីធ្វើតាមបំណងរបស់ព្រះអង្គស្របតាមសេចក្ដីដែលបានចែងទុកនៅក្នុងកណ្ឌគម្ពីរមួយអំពីខ្ញុំស្រាប់»។ 8 នៅខាងលើព្រះអង្គមានបន្ទូលថាព្រះអង្គមិនចង់បានយញ្ញបូជាតង្វាយតង្វាយដុតនិងតង្វាយលោះបាបហើយក៏មិនសព្វព្រះហឫទ័យនឹងតង្វាយដែលគេថ្វាយតាមគម្ពីរវិន័យឡើយ 9 បន្ទាប់មកព្រះអង្គក៏មានបន្ទូលថាមើល៍ខ្ញុំបានមកដើម្បីធ្វើតាមបំណងរបស់ព្រះអង្គ។ ដូច្នេះហើយព្រះអង្គលុបរបៀបមុនចោលដើម្បីតាំងរបៀបថ្មី។ 10 ដោយសារបំណងរបស់ព្រះអង្គនេះហើយបានជាយើងត្រូវបានញែកជាបរិសុទ្ធតាមរយៈរូបកាយរបស់ព្រះយេស៊ូគ្រិស្ដដែលព្រះអង្គថ្វាយតែមួយដងជាការស្រេច។ 11 សង្ឃគ្រប់ៗរូបតែងតែឈរបំពេញមុខងាររបស់ខ្លួនរៀងរាល់ថ្ងៃហើយថ្វាយយញ្ញបូជាដដែលៗម្ដងហើយម្ដងទៀតដែលមិនអាចដកយកបាបចេញបានឡើយ 12 រីឯព្រះគ្រិស្ដវិញបន្ទាប់ពីបានថ្វាយយញ្ញបូជាតែមួយដែលនៅអស់កល្បសម្រាប់បាបរួចមកព្រះអង្គក៏គង់នៅខាងស្ដាំព្រះជាម្ចាស់ 13 ទាំងរង់ចាំតាំងពីពេលនោះមករហូតដល់ព្រះជាម្ចាស់ដាក់ខ្មាំងសត្រូវរបស់ព្រះអង្គជាកំណល់បាទារបស់ព្រះអង្គ។ 14 ដ្បិតដោយសារតង្វាយតែមួយនេះព្រះអង្គធ្វើឲ្យពួកអ្នកដែលត្រូវបានញែកជាបរិសុទ្ធបានគ្រប់លក្ខណ៍អស់កល្បជានិច្ច។ 15 រីឯព្រះវិញ្ញាណបរិសុទ្ធធ្វើបន្ទាល់ប្រាប់យើងអំពីការនេះដែរគឺក្រោយពីព្រះអង្គមានបន្ទូលថា៖ 16 «ព្រះអម្ចាស់មានបន្ទូលថានេះជាកិច្ចព្រមព្រៀងដែលយើងនឹងតាំងជាមួយពួកគេនៅក្រោយថ្ងៃទាំងនោះគឺយើងនឹងដាក់ក្រឹត្យវិន័យរបស់យើងក្នុងចិត្ដរបស់ពួកគេទាំងចារឹកក្នុងគំនិតរបស់ពួកគេផង» 17 ព្រះអង្គក៏មានបន្ទូលទៀតថា៖ «យើងមិននឹកចាំពីបាបនិងសេចក្ដីទុច្ចរិតរបស់ពួកគេទៀតឡើយ»។ 18 ទីណាមានការលើកលែងទោសឲ្យរួចពីសេចក្ដីទាំងនេះទីនោះគ្មានតង្វាយសម្រាប់បាបទៀតឡើយ។ 19 ហេតុនេះបងប្អូនអើយ! យើងមានសេចក្ដីក្លាហានចូលក្នុងទីបរិសុទ្ធបំផុតដោយសារឈាមរបស់ព្រះយេស៊ូ 20 និងដោយសារផ្លូវថ្មីជាផ្លូវដ៏រស់ដែលព្រះអង្គបានរៀបចំឲ្យយើងឆ្លងកាត់វាំងននដែលជារូបសាច់របស់ព្រះអង្គ 21 ហើយដោយសារយើងមានសង្ឃមួយអង្គដ៏ធំដែលគ្រប់គ្រងលើដំណាក់របស់ព្រះជាម្ចាស់ 22 នោះចូរឲ្យយើងចូលទៅជិតព្រះជាម្ចាស់ដោយចិត្ដស្មោះត្រង់និងជំនឿជឿជាក់ទាំងមានចិត្ដដែលបានប្រោះសំអាតពីមនសិការអាក្រក់និងរូបកាយដែលបានលាងសំអាតដោយទឹកដ៏ស្អាតផង។ 23 ចូរឲ្យយើងកាន់សេចក្ដីសង្ឃឹមដែលយើងប្រកាសនោះយ៉ាងខ្ជាប់ខ្ជួនឥតរង្គើឡើយដ្បិតព្រះជាម្ចាស់ដែលបានសន្យាព្រះអង្គស្មោះត្រង់ 24 ហើយចូរឲ្យយើងយកចិត្ដទុកដាក់ចំពោះគ្នាទៅវិញទៅមកដើម្បីជួយលើកទឹកចិត្តឲ្យមានសេចក្ដីស្រលាញ់និងការប្រព្រឹត្ដិល្អ។ 25 កុំឲ្យយើងបោះបង់ចោលការជួបជុំគ្នាដូចជាអ្នកខ្លះមានទម្លាប់នោះឡើយផ្ទុយទៅវិញចូរឲ្យយើងលើកទឹកចិត្តគ្នាកាន់តែខ្លាំងឡើងថែមទៀតដោយឃើញថាថ្ងៃរបស់ព្រះអម្ចាស់មកជិតដល់ហើយ 26 ដ្បិតបន្ទាប់ពីយើងបានទទួលចំណេះដឹងខាងឯសេចក្ដីពិតហើយប៉ុន្ដែនៅតែប្រព្រឹត្ដបាបដោយចេតនាទៀតនោះគ្មានយញ្ញបូជាណាសម្រាប់បាបទៀតទេ 27 មានតែរង់ចាំដោយភ័យរន្ធត់ចំពោះការជំនុំជម្រះនិងភ្លើងដ៏សន្ធោសន្ធៅដែលត្រៀមនឹងឆេះបំផ្លាញពួកអ្នកប្រឆាំងប៉ុណ្ណោះ។ 28 អ្នកដែលបដិសេធគម្ពីរវិន័យរបស់លោកម៉ូសេដោយមានបន្ទាល់របស់សាក្សីពីរឬបីនាក់អ្នកនោះត្រូវស្លាប់ដោយឥតប្រណីឡើយ 29 ចុះទម្រាំអ្នកដែលជាន់ឈ្លីព្រះរាជបុត្រារបស់ព្រះជាម្ចាស់ហើយចាត់ទុកឈាមនៃកិច្ចព្រមព្រៀងដែលបានញែកខ្លួនគេជាបរិសុទ្ធជារបស់មិនស្អាតព្រមទាំងមើលងាយព្រះវិញ្ញាណនៃព្រះគុណវិញតើអ្នករាល់គ្នាគិតថាគេសមនឹងទទួលទោសធ្ងន់ធ្ងរយ៉ាងណាទៅ? 30 ដ្បិតយើងស្គាល់ព្រះអង្គដែលបានមានបន្ទូលថា៖ «ការសងសឹកស្រេចលើយើងយើងនឹងតបស្នងពួកគេវិញ»។ ព្រះអង្គមានបន្ទូលទៀតថា៖ «ព្រះអម្ចាស់នឹងជំនុំជម្រះរាស្ដ្ររបស់ព្រះអង្គ»។ 31 ការធ្លាក់ក្នុងព្រះហស្ដរបស់ព្រះជាម្ចាស់ដ៏មានព្រះជន្មរស់ជាការគួរឲ្យភ័យខ្លាចណាស់។ 32 ដូច្នេះចូរនឹកចាំពីគ្រាមុនគឺក្រោយពីអ្នករាល់គ្នាបានទទួលពន្លឺពេលនោះអ្នករាល់គ្នាបានស៊ូទ្រាំនឹងការតយុទ្ធយ៉ាងខ្លាំងនៅក្នុងការរងទុក្ខលំបាក 33 ពេលខ្លះអ្នករាល់គ្នាត្រូវគេប្រមាថមើលងាយព្រមទាំងត្រូវគេធ្វើបាបនៅទីប្រជុំជនហើយពេលខ្លះទៀតអ្នករាល់គ្នាបានរួមចំណែកជាមួយអស់អ្នកដែលរងអំពើដូច្នោះដែរ 34 ព្រោះអ្នករាល់គ្នាមានចិត្ដអាណិតអាសូរអស់អ្នកដែលជាប់ឃុំឃាំងហើយសុខចិត្ដឲ្យគេរឹបអូសទ្រព្យសម្បត្ដិរបស់ខ្លួនដោយអំណរដោយដឹងថាខ្លួនមានទ្រព្យសម្បត្ដិដ៏ប្រសើរជាងនោះហើយនៅស្ថិតស្ថេររហូត។ 35 ដូច្នេះចូរអ្នករាល់គ្នាកុំបោះបង់ការជឿជាក់ដែលមានរង្វាន់ធំនេះឡើយ 36 ដ្បិតអ្នករាល់គ្នាត្រូវមានការអត់ធ្មត់ដើម្បីក្រោយពីធ្វើតាមបំណងរបស់ព្រះជាម្ចាស់រួចហើយអ្នករាល់គ្នានឹងទទួលបានអ្វីៗតាមសេចក្ដីសន្យា 37 ព្រោះនៅតែបន្ដិចទៀតប៉ុណ្ណោះព្រះអង្គដែលត្រូវយាងមកនឹងយាងមកដល់ព្រះអង្គមិនបង្អែបង្អង់ឡើយ 38 ប៉ុន្តែមនុស្សសុចរិតរបស់យើងនឹងរស់នៅដោយសារជំនឿហើយបើគេដកខ្លួនថយនោះយើងមិនពេញចិត្ដនឹងគេឡើយ។ 39 យើងមិនមែនជាអ្នកដែលដកខ្លួនថយដែលនាំឲ្យវិនាសឡើយផ្ទុយទៅវិញយើងជាអ្នកដែលមានជំនឿដែលនាំឲ្យបានជីវិត។